做父母都要學，唔好錯過同初生BB既親子時光

好多人都話係香港做父母首先要準備好600萬，但其實除左財政上既支持，小朋友成長中最需要既始終都係爸爸媽媽既愛同關懷。今期BP Magazine就特別邀請2位係小朋友未出世已經對佢地愛護十足既爸爸媽媽Brett 同Victoria同大家分享一下佢地既經歷。

V:有呀，Jessie係第一胎我地2個咩都唔識，本身我地都係全職做野，又冇屋人可以幫手照顧，我地除左特別請左個工人姐姐之外，我同老公都去左上實習照顧初生BB既課程。

B: 我同Victoria都覺得初生BB頭幾個月既時間好快就過，好快就會自己去探索新既野，唔會再好似之前咁依賴爸爸媽媽。我地都覺得嗰段時間好珍貴，如果可以既由爸爸媽媽全職照顧就梗係最好，但係我相信而家香港好多父母，包括我地自己都未必做到加上初生BB唔係食就訓，咁唯一可以同自己BB交流既機會就係得同BB沖涼、換片、餵奶既時間。我地盡可能都想自己做番，同BB close 啲。 V: 係呀!所以就特別去搵唔同既課程，但係醫院課程既時間通常都係平日下午，產檢已經用左好多假，所以好難會上到，時間係其中一個考慮因素。之後就係網上見到Baby Planner既新手爸媽育兒實習課程。時間係平日夜晚或者星期六、日，啱曬我地番office工既。上堂內容都好充實，除左係姑娘教之外，每堂都可以用BB公仔實習，有唔明有唔啱姑娘又會即刻指正番。

V: 上堂既時候都聽過姑娘講，BB出世後爸爸媽媽都會覺得好亂，上左堂都會亂但係情況會好啲，最少你會知道自己下一步要做咩。有對比之下就會覺得上左堂係好好多。好似換片咁，上左堂我地知道抺pat pat既時候唔好掉條片，到整好曬再一次過掉。但係見到未學過既朋友，初初都整到一床都係。我地就係花左時間之前做左練習，照顧起BB上黎就快上手，可以有時間同BB玩下其他唔同既野。

記: 暑假喇喎，有冇打算帶2位千金去邊到玩?有冇上咩暑假班?

B: 冇特別去上暑假班，都係諗住同佢地去唔同既地方玩下，接觸多啲唔同既事物。好似今日咁同佢地去新既地方，同其他小朋友玩下學下點同其他人相處。

後記:

BB很快便會長大，其實替B換片、沖涼、掃風、按摩真的充滿快樂，各位新手父母不要錯過這段親子時光。

最後編輯日期：2016年8月31日